Canta U Populu Corsu
Текст песни Simu Sbanditi

Simu sbanditi,
O pessima cunghjura
Chi so dui seculi ch'ella dura,
C'he stata tantu aduprata
La so trista punghjitura
Quandu impiegata la forza,
Quandu la intrappulatura.

Da Ponte Novu,
Finitu lu tazzeghju
Ci si so dati a fanne assai peghju,
Viulentendu e impicchendu
Induv'ellu c'era passeghju
Di u populu di Cirnu,
Chi ancu oghje n'ha lu schifeghju.

Per fa le so guerre,
E fa lu so imperu,
S'anu arrubbatu piu di u bracciu fieru,
Ramintendusi le prove,
Di Ghjudice e di Sampieru,
E di Sambucucciu d'Alandu,
E di Paoli l'altieru.

So senza bande,
Li nostri li pastori,
E senza terra so tanti agricultori,
Fora la giuventu corsa,
Sta fendu lu corri corri,
Quand'elli sbarcanu a schere,
Li soi l'incettatori.

Micca banditi,
Patriotti d'onore,
E per la patria pronti a lu furrore,
E nostre bandere bianche,
Stampate di teste more,
Chjoccanu cum'e saette,
In faccia a l'ingannatore.

Aio surelle,
Aiutate a la mossa,
Vi guidi sempre Faustina la corsa,
Chi lu populu di Cirnu,
Mai lu metteranu in fossa,
Se cun voi per cumpagne,
Demu oghje l'ultima scossa.

O l'arme eterne,
D'ogni virtu pruvisti,
Femu spazzosa di tanti inghjusti acquisti,
Ch'ellu si ne parla a veghja,
Qui di li culunialisti,
O li ladri o li furdani,
O li cani fora pristi