Canta U Populu Corsu
Текст песни Vociaru Di Ghjuvan Cameddu

Quel tonu tremente e forti
Da per tuttu ascoltu assai
Quellu chi annuncia la morti
Di Cameddu Nicolai
Quellu banditu d'onore
O Corsica piu nun ai.

In la casa di la Testa
C'era matrimoniu e ballu
Ch'ella li ghjunghji la pesta
Cu li sproni da cavallu
E po subarcalli tutti
Quel ch'anu commissu il fallu.

Nun si he mai vistu al mondu
Ne letta nella scrittura
Chi a l'omu furibondu
La donna faccia paura
Di tiralli di pistola
Contru la matre natura.

Fusti traditori di Cristu
Piu di ghjuda se ribeddu
Per un miserabile acquistu
Tradisti a Ghjuvan Cameddu
Tirati il collu a la corda
He il sicondu to frateddu.

O Came lu me frateddu
O Came lu me cuginu
Quale he statu l'assassinu
Chi t'ha purtatu a lu maceddu
Per fani subire a teni
Questu barbaru fraceddu ?

Sonu in dolu li fiori d'i prati
Piu nun canta l'oguriu acellu
Dicenu ch'anu ammazzatu
L'eroe Ghjuvan Cameddu
Eu lu bagnu cu il moi piantu
Ma nun credu chi sia ellu