Felpeyu
Текст песни Tierra

Na flor de la cerezal
Que priende la primavera
Nel cantar de los carbayos
Y nel vientu que lu lleva

Nel llagu de los tos gueyos
Au fai remolin el tiempu
Nos pegollos que sostienen
Colleches d'amor y empenu

Nellos poso'l corazon
Nellos pongo la esperanza
La grana azul del futuru
Y la flor de l'acordanza

Nel agua de los regueros
Del borrin y de la prua
Na esencia del alicorniu
Nel creciente de la lluna

Nes tierres de pan. Nes sebes
De malvises y raitanes
Na voz escura del monte
Na voz antigua del sangre

Nellos poso'l corazon
Nellos pongo la esperanza
La grana azul del futuru
Y la flor de l'acordanza

Nos altos picos que vuelen
Los airones y les ailes
Nel secretu que la mar
Guarda en roncheles y playes

Nel ciernu de la memoria
Nes ferramientes gastaes
Nes palabres que nacienon
Cabo'l fueu de vieyos llares

Nellos poso'l corazon
Nellos pongo la esperanza
La grana azul del futuru
Y la flor de l'acordanza