Geeta Dutt
Текст песни Aaj Ki Kaali Ghata Mastt Matwaali Ghata

Hmmm Hmmm Hmmm
Aaj Ki Kaali Ghata Mastt Matwaali Ghata (2)
Mujhse Kehti Hai Ke Pyaasa Hai Koi
Kaun Pyaasa Hai, Mujhe Kya Maloom...

Pyaas Ke Naam Se Jee Darta Hai
Kisi Ilzaam Se Jee Darta Hai
Shauq-e-Badnaam Se Jee Darta Hai
Meethi Nazaron Mein Samaaya Hai Koi
Kyon Samaaya Hai, Mujhe Kya Maloom
Aaj Ki Kaali Ghata, Mastt Matwaali Ghata
Mujhse Kehti Hai Ke Pyaasa Hai Koi
Kaun Pyaasa Hai, Mujhe Kya Maloom...

Pyaasi Aankhon Mein Mohabbat Le Ke
Ladkhada Jaane Ki Daavat Le Ke
Mujhse Be-Wajah Shikaayat Le Ke
Dil Ki Dehleez Tak Aaya Hai Koi
Kaun Aaya Hai, Mujhe Kya Maloom....

Kuchh Maza Aane Laga Jeene Mein
Jaag Utha Dard Koi Seene Mein
Mere Ahsaas Ke Aaine Mein
Ek Saaya Nazar Aata Hai Koi
Kiska Saaya Hai, Mujhe Kya Maloom
Aaj Ki Kaali Ghata, Mastt Matwaali Ghata
Mujhse Kehti Hai Ke Pyaasa Hai Koi
Kaun Pyaasa Hai, Mujhe Kya Maloom...

Zindagi Pehle Na Thi Itni Haseen
Aur Agar Thi Toh Mujhe Yaad Nahin
Yehi Afsaana Na Ban Jaaye Kahin
Kuchh Nighaahon Se Sunaata Hai Koi
Kya Sunaata Hai, Mujhe Kya Maloom
Aaj Ki Kaali Ghata, Mastt Matwaali Ghata
Mujhse Kehti Hai Ke Pyaasa Hai Koi
Kaun Pyaasa Hai, Mujhe Kya Maloom!!