Made in Scotland
Текст песни Highland Harry

Chorus
O, for him come back again!
O, for him come back again!
I wad gie a' Knockhaspie's land
For Highland Harry back again.
1.
My Harry was a gallant gay,
Fu' stately strade he on the plain,
But now he's banish'd far away:
I'll never see him back again.
2.
When a' the lave gae to their bed,
I wander dowie up the glen,
I set me down, and greet my fill,
And ay I wish him back again.
3.
O, were some villains hangit high,
And ilka body had their ain,
Then I might see the joyfu' sight,
My Highland Harry back again!