The Mediaeval Baebes
Текст песни Slay Me Suddenly

Your yen two woll sle me sodenly!
I may the beaute of them not sustene,
So wondeth it thorowout my herte kene.

And but your word woll helen hastely
My hertes wound, while that it is grene,

Your yen two woll sle me sodenly!
I may the beaute of them not sustene.

Upon my trouth I sey you feithfully,
That ye ben of my liffe and deth the quene:
For with my deth the trouth shall be sene.


So hath yowr beaute fro your herte chased
Pitee that me n'availleth not to plaine,
For danger halt your mercy in his chaine.
Giltless my deth thus han ye me purchased!
I sey you soth, me nedeth not to feine.

So hath your beaute fro your herte chased
Pitee that me n'availleth not to plaine.
Alas that nature hath in you compased
So grete beaute that no man may attaine
To mercy though he sterve for the paine.