The Mediaeval Baebes
Текст песни The Snake

Era vn ortolano byen sinpre e syn mal;
En el mes de enero con fuerte tenporal,
Andando por su huerta, vido so vn peral
Vna culebra chica, medio muerta atal.

Con la nieue E con el viento e con la elada fria,
Estaua la culeba medio amodorrida;
El omne piadoso que la vido aterida,
Doliose mucho della, quisole dar la vida.

Tomola en la falda e leuola a su casa,
Pusola cerca de fuego, cerca de buena blasa,
Abiuo la culebra ante que la el asa,
Entro envn forada desa cosina rrasa.

Aqueste ome bueno da uale cada dia
Del pan E de la leche e de quanto el comia;
Crecio con el grand vycio e con el grand bien que

Tenia, tanto que sierpe grande a todos parescia.

Venido eselestio, la siesta affyncada,
Que ya non avia miedo deviento nin de elada,
Salyo de aquel forado sanuda E ayrada;
Comenco de enponconar con venino la posada.

Dixole el ortolano, "Vete de equeste lugar,
Non fagas aqui dapno!" Elle fuese en-sanar,
Ablacolo tan fuerte que lo querria afogar,
Apretandolo mucho, cruel mente, syn vagar.

Era vn ortolano byen simpre e syn mal;
En el mes de enero con fuerte tenporal,
Andando por su huerta, vido so vn peral
Vna culebra chica, medio muerta atal.