Yasmin Levy
Текст песни Una Ora En La Ventana

Una ora en la ventana
Ora i media al balkon
La kulevra de tu ermana
Ah, no mos desha
Ah! no mos desha
Azel el amor

Yo la kero, tu la keres
Ya mos vamos a matar
Ven djugaremos a los dados
El ke la gana, el ke la gana
Su mazal

Ke komio la tu mama
En preniada de ti
Te kito morena i dulse
Amasada
Amasada kon la miel

Ah! No t'alves ke sos blanka
Blanka komo el yasmin
Ke ay morenikas en el mundo
Ke kemaron, ke kemaron
Medio Izmir

A la mar yo me vo echar
Un peshkado vo paniar
Siete novias vo kitar
Ah! Yo a ti, yo a ti
Me vo tomar

Una ora en la ventana
Ora i media al balkon
La kulevra de tu ermana
Ah, no mos desha
Ah! no mos desha
Azel el amor