Hannes Wader
Текст песни Reine Natur

Dar havert mal wedder en Tanker up Sand.
Rundrum deckt dat Rohol de See,
un jummer mehr Smeer flutt to Lee ut de Wand,
bruun-swart, as de Ogen von'tReh.

Vor't Schipp kummt en Stockentenwaart nich mehr flott.
In Smeer swummt de Seevagel slecht,
he paddelt sich neger un neger an Gott,
he hett de letzt Olung ja weg.

Hebbn wi nich lehrt,
siet dat wi borrn:
Keen dar good smeert,
ward ok good fahrn!

De Segen von baven is blanke Chemie
un kummt ut en Hubschruuvmaschin.
As letztet Geschenk von uns duutsch Industrie
kann Regen recht segensriek sien.

De Teppich swummt breed up de Doggerbank to,
ward breder up't Wellengewohl.
De Wind geiht to Roh, un de Fischers sund froh:
Se fangen Sardinen in Ol!

Hebbn wi nich lehrt,
siet dat wi borrn:
Keen dar good smeert,
ward ok good fahrn!

En Stoorm drifft de Smeer paar Daag later werr truuch
un spoolt se verdeelt up den Strand.
De Sommergast smeern sik de Smeer up den Ruug,
denn Ol holpt bi Sunnschien vor'n Brand.

De Kurbaddirektor hett Aktien up Ol,
un as he den Olteppich suht,
befallt em miteens so en wohlig Gefohl.
"All mien!" roppt he, rein ut de Tuut.

Hebbn wi nich lehrt,
siet dat wi borrn:
Keen dar good smeert,
ward ok good fahrn!

Paar Forschers sund wi?, dat de Nordsee noch kippt,
wieldat de Balanc' nich mehr stimmt.
Se spinnen, tomal jede Kindskopp begrippt,
dat Ol jummer bavenup swummt.

Woto dat Palavern von olige Pest,
un Angrip up Water un Flur?
Keen huut op sich hollt, hett Smeer an de West.
Uns Rohol is reine Natur!

Hebbn wi nich lehrt,
siet dat wi borrn:
Keen dar good smeert,
ward ok good fahrn!